O Zinâ

Ediçion

E notiçie da-a Liguria

Caxo «dossier», scontro averto tra o Secolo e o prescidente Bucci

À Zena l’é scciuppou o caxo di presonti dossier scriti da-a squaddra de communicaçion do prescidente da Region Marco Bucci pe condiçionâ o Secolo anche inta campagna elettorale pe-o Commun. A notiçia a l’é vegnua feua con di articoli de La Repubblica e Il Fatto Quotidiano. L’Ordine di giornalisti o l’à averto unna proçedua. Se parla ascì de un decalogo con de instruçioin in sce comme confeçionâ o giornale. O Bucci o l’à ciammou unna conferensa stampa e o l’à denegou tutto: «O direttô Brambilla o l’ea d’accòrdio, nisciuña prescion, o l’é tutto un equivoco». L’é stæto annonçiou un scangio de quæle tra o Brambilla e o portavoxe do Bucci, o Federico Casabella. Dapeu segge o prescidente che o direttô an pubricou di tòcchi de conversaçioin. L’oppoxiçion à l’attacco: «Che o Bucci o fasse ciæo ò sedonca ch’o dagghe e dimiscioin».

Traduçion italiaña

Caso «dossier», scontro aperto tra il Secolo XIX e il presidente Bucci

A Genova è scoppiato il caso dei presunti dossier redatti dallo staff di comunicazione del presidente della Regione Marco Bucci per condizionare il Secolo anche nella campagna elettorale per il Comune. La notizia è emersa con articoli di La Repubblica e Il Fatto Quotidiano. L’Ordine dei giornalisti ha aperto un procedimento. Si parla anche di un decalogo con istruzioni su come confezionare il giornale. Bucci ha convocato una conferenza stampa e ha negato tutto: «Il direttore Brambilla era d’accordo, nessuna pressione, è tutto un malinteso». È stato annunciato uno scambio di querele tra Brambilla e il portavoce di Bucci Federico Casabella. Poi sia il presidente che il direttore hanno pubblicato estratti delle conversazioni. L’opposizione attacca: «Bucci chiarisca o si dimetta».

Dònna ammassâ à Moassaña, arrestou o figgio: «No m’arregòrdo ninte»

Unna dònna d’86 anni, Maria Marchetti, a l’é stæta ammassâ à cotellæ a-i 8 de marso à Zena, in scî bricchi de Moassaña. Pe l’assascinio l’é stæto arrestou un di figgi, o Fabio Fibrini de 52 anni, ch’o ghe viveiva insemme, attrovou in cà co-i vestî brutti de sangue. L’òmmo, ch’o l’ea in cua pe un desturbo bipolare, o l’à dito ch’o no s’arregòrda ninte. Inte l’interrogatöio o l’à respòsto: «Ghe stava mi apreuvo à mæ moæ, anava à fâ a speisa. Into passou gh’ea stæto quarche rattella ma inti urtimi tempi anava tutto ben. Mi son unna brava persoña». O no l’à sacciuo dî perché gh’ea tutto quello sangue in gio. I seu avvocati ciammian unna periçia.

Traduçion italiaña

Donna uccisa a Moassana, arrestato il figlio: «Non ricordo nulla»

Una donna di 86 anni, Maria Marchetti, è stata uccisa a coltellate l’8 marzo a Genova, sulle alture di Molassana. Per l’omicidio è stato arrestato uno dei figli, Fabio Fibrini, 52 anni, che viveva con lei, trovato in casa con gli abiti sporchi di sangue. L’uomo, in cura per un disturbo bipolare, ha dichiarato di non ricordare nulla. Durante l’interrogatorio ha risposto: «Ero a casa di mia madre, stavo facendo la spesa. In passato c’erano stati dei litigi, ma ultimamente andava tutto bene. Sono una brava persona». Non sapeva perché ci fosse tutto quel sangue in giro. I suoi avvocati chiederanno una perizia.

Sandöia, o Lombardo çernuo comme neuvo allenatô: «No gh’ò poia de critiche»

O Attilio Lombardo o l’é o neuvo allenatô da Sandöia. A soçietæ a l’à çernuo lê, a-o manco pe-o momento, dòppo avei mandou via o Angelo Gregucci e o Salvatore Foti, di quæ o l’ea za un conlaboratô. Pe-i tifoxi o l’é sorviatutto unna bandea di anni ciù belli: «Mi ò delongo raxonou co-o cheu e ò dito de scì – o l’à deciarou inta primma conferensa stampa –. No gh’ò poia de piggiâme de critiche. Sta chì a l’é a mæ occaxon d’inversâ tutto. Parto da-o fæto che l’anno passou eimo anæti zu de categoria, ancheu veuggio pensâ che neuve partie bastan pe arrivâ a-a sarvessa, ma solo se noiatri ô voemmo».

Traduçion italiaña

Sampdoria, Lombardo scelto come nuovo allenatore: «Non ho paura delle critiche»

Attilio Lombardo è il nuovo allenatore della Sampdoria. La società lo ha scelto, almeno per il momento, dopo aver esonerato Angelo Gregucci e Salvatore Foti, di cui era già stato collaboratore. Per i tifosi è soprattutto una bandiera degli anni più belli: «Ho sempre ragionato con il cuore e ho detto di sì – ha dichiarato nella prima conferenza stampa –. Non ho paura delle critiche. Questa è la mia occasione per ribaltare tutto. Parto dal fatto che l’anno scorso siamo retrocessi, oggi voglio pensare che nove partite siano sufficienti per arrivare alla salvezza, ma solo se noi lo vogliamo».

E notiçie da l’Italia

Referendum, o cappo de gabinetto do Nordio: «Levemmose da mezo a magistratua»

O referendum in sciâ giustiçia o l’ascada delongo a politica italiaña. In campo a prescindente Giorgia Meloni: «I giudiçi n’impediscian de governâ». Ma à fâ do sciato l’é stæto e poule da Giusy Bartolozzi, cappo de gabinetto do ministro Nordio, che in televixon a l’à dito: «Votæ scì e se levemmo da mezo a magistratua, a l’é un peloton d’execuçion». L’oppoxiçion a l’à domandou e dimiscioin, che no son arrivæ, e manco de scuse. Torna polemiche in sciô procuou de Napoli Nicola Gratteri, pe-o ministro Tajani «o mette poia». Dapeu torna a Meloni a-a manifestaçion pe-o scì à Milan: «Se a reforma a no passa se troviemo di inmigræ inregolari, di violentatoî, di pedòfili e di venditoî de dröga missi torna in libertæ».

Traduçion italiaña

Referendum, il capo di gabinetto di Nordio: «Togliamo di mezzo la magistratura»

Il referendum sulla giustizia continua a infiammare la politica italiana. In campo la presidente Giorgia Meloni: «I giudici ci impediscono di governare». Ma a fare scalpore sono le parole di Giusy Bartolozzi, capo di gabinetto del ministro Nordio, che in televisione ha dichiarato: «Votate sì e ci togliamo di mezzo la magistratura, è un plotone di esecuzione». L’opposizione ha chiesto le dimissioni, che non sono arrivate, né le scuse. Di nuovo polemiche sul procuratore di Napoli Nicola Gratteri, per il ministro Tajani «fa paura». Poi ancora Meloni alla manifestazione per il sì a Milano: «Se la riforma non passa, troveremo di nuovo in libertà immigrati irregolari, stupratori, pedofili e spacciatori».

Guæra in Iran, a Meloni: «No voemmo intrâghe». Pe-a Defeisa reisego terroriximo

«Semmo inte unna fase diffiçile ma l’Italia a no l’é in guæra e a no veu intrâghe». L’à dito à prescidente do Conseggio Giorgia Meloni à propòxito do conflitto into Levante de Mezo. O prescindente american Donald Trump o n’à parlou ben: «A l’é unna gran leader e unna mæ amiga», ma a lê a s’é ciammâ torna feua e in parlamento a l’à deciarou: ni comprixi e ni isoæ. Ma inte un papê do Conseggio mascimo de defeisa se parla do reisego ligou a-o terroriximo e à de «forme de guæra ibrida». Intanto i carburanti son delongo ciù cäi e o governo o l’à averto a-a propòsta do Pd d’addeuviâ o guägno in de ciù in sce l’Iva pe-a montâ di prexi pe asbasciâ e impòste in sciâ benziña. Se conta che a guæra a costià a-e açiende italiañe squæxi 10 miliardi in ciù pe-i costi de l’energia.

Traduçion italiaña

Guerra in Iran, Meloni: «Non vogliamo entrarci». Per la Difesa rischio terrorismo

«Siamo in una fase difficile, ma l’Italia non è in guerra e non vuole essere coinvolta». Lo ha dichiarato la presidente del Consiglio Giorgia Meloni a proposito del conflitto in Medio Oriente. Il presidente degli Stati Uniti Donald Trump l’ha elogiata: «È una grande leader e una mia amica», ma lei si è chiamata fuori in Parlamento ha dichiarato: né complici né isolati. In un documento del Consiglio supremo di difesa si parla però del rischio legato al terrorismo e alle «forme di guerra ibrida». Nel frattempo i carburanti diventano sempre più cari e il governo ha aperto alla proposta del Pd di utilizzare l’extra gettito Iva derivante dall’aumento dei prezzi per ridurre le accise sulla benzina. Si stima che la guerra costerà alle imprese italiane quasi 10 miliardi in più per i costi de l’energia.

Ammassâ à Mesciña da-o passou compagno, o no gh’aiva de brassalletto elettrònico

Unna dònna de 50 anni, Daniela Zinnati, a l’é stæta ammassâ à Mesciña da-o seu passou compagno, Santino Bonfiglio de 67 anni. L’òmmo o l’ea tòsto scappou da-i arresti in cà, donde o l’ea stæto misso pròpio pe-e violense denonçiæ da-a dònna. Ma o no gh’aiva de brassalletto elettrònico, perché o dispoxitivo o l’aiva da arrivâ o giorno apreuvo. O l’é anæto in cà e o l’à accotellâ. O cadaveo da Zinnati o l’é stæto attrovou da-a figgia, gräia de sette meixi, che gh’é vegnuo da patî. Pe-a famiggia da vittima o l’é un «feminiçidio annonçiou», perché primma gh’ea za stæto ben ben de aggrescioin: inte l’urtima a dònna a l’aiva avuto sette costiggeue rotte.

Traduçion italiaña

Uccisa a Messina dall’ex compagno, non aveva il braccialetto elettronico

Una donna di 50 anni, Daniela Zinnati, è stata uccisa a Messina dal suo ex compagno, Santino Bonfiglio, di 67 anni. L’uomo era appena evaso dagli arresti domiciliari, dove era stato posto proprio per le violenze denunciate dalla donna. Non indossava però il braccialetto elettronico, che sarebbe dovuto arrivare il giorno successivo. Si è recato a casa della vittima e l’ha accoltellata. Il corpo senza vita di Zinnati è stato ritrovato dalla figlia, incinta di sette mesi, che ha accusato un malore. Per la famiglia della vittima si tratta di un «femminicidio annunciato», poiché in precedenza la donna era già stata vittima di diverse aggressioni: nell’ultima aveva riportato la frattura di sette costole.

E notiçie da-o mondo

Guæra into Levante de Mezo, l’Iran: «No se rendiemo». Attacchi a-e nave à Hormuz

Va avanti a guæra into Levante de Mezo comensâ con l’attacco di Stati Unii à l’Iran. Dòppo a mòrte do Ali Khamenei, o neuvo cappo mascimo o l’é o figgio Mojtaba, sostegnuo da-i pasdaran e da-a Ruscia: «No s’arrendiemo mai», o l’à annonçiou sensa mai fâse vedde. E seu condiçioin de sanitæ arrestan un mistëio. Ægua atteuscegâ in sce Teheran dòppo o bombezzo di sciti petroliferi. «A guæra a finià fito», o l’à asseguou o Trump. Ma into streito de Hormuz a tenscion a monta: l’Iran o l’à corpio træ nave da carrego ferme. O petròlio o l’à passou i 120 dòllari a-o barî, e Borse europee an bruxou ciù de mille miliardi da l’incomenso do conflitto. O Trump o l’à revocou e sançioin in sciô petròlio ruscio pe 100 mioin de barî a-o giorno. Pe l’Union europea «unna deçixon errâ».

Traduçion italiaña

Guerra in Medio Oriente, l’Iran: «Non ci arrenderemo». Attacchi alle navi a Hormuz

Continua la guerra in Medio Oriente, iniziata con l’attacco statunitense all’Iran. Dopo la morte di Ali Khamenei, la nuova guida suprema è suo figlio Mojtaba, appoggiato dai pasdaran e dalla Russia: «Non ci arrenderemo mai», ha annunciato senza mai farsi vedere. Le sue condizioni di salute restano un mistero. Pioggia acida sopra Teheran dopo i bombardamenti dei siti petroliferi. «La guerra finirà presto», ha assicurato Trump. Ma nello stretto di Hormuz la tensione aumenta: l’Iran ha colpito tre navi mercantili ferme. Il petrolio ha superato i 120 dollari al barile, le Borse europee hanno bruciato oltre mille miliardi dall’inizio del conflitto. Trump ha revocato le sanzioni sul petrolio russo per 100 milioni di barili al giorno. Per l’Unione Europea «una decisione sbagliata».

Guæra in Ucraina, telefonâ Putin-Trump: avertua pe-e neuve negoçiaçioin

O Vladimir Putin e o Donald Trump se son sentii a-o telefono pe un oa pöcassæ e an parlou sorviatutto da guæra in Ucraina. Pe-o prescidente da Ruscia l’avansâ de trupp into Levante «o dovieiva sponciâ o regimme de Kiev à resòlve o conflitto co-e negoçiaçioin». «O dovieiva mette fin a-a guæra», o l’à dito o prescidente american. O Volodymyr Zelensky o l’à fæto savei che i Stati Unii an propòsto di neuvi incontri tra Kiev e Mosca a settemaña che vëgne. Arresta erta a tenscion verso l’Ongaia: l’Ucraina a l’à refuou de reconosce unna delegaçion de Budapest arrivâ pe discorrî da remissa in deuvia do conduto de petròlio.

Traduçion italiaña

Guerra in Ucraina, telefonata Putin-Trump: apertura per le nuove trattative

Vladimir Putin e Donald Trump hanno avuto una conversazione telefonica durata circa un’ora e hanno discusso principalmente della guerra in Ucraina. Per il presidente russo, l’avanzata delle truppe nell’Est «dovrebbe spingere il regime di Kiev a risolvere il conflitto attraverso negoziati». «Dovrebbe mettere fine alla guerra», ha affermato il presidente americano. Volodymyr Zelensky ha fatto sapere che gli Stati Uniti hanno proposto nuovi incontri tra Kiev e Mosca la prossima settimana. La tensione nei confronti dell’Ungheria rimane alta: l’Ucraina si è rifiutata di riconoscere una delegazione di Budapest giunta per discutere del riavvio dell’oleodotto.

Stati Unii, attacco contra unna scinagöga à Detroit: mòrto solo l’attentatô

Unna scinagöga a l’é stæta attaccâ à Detroit, inti Stati Unii. Un òmmo armou de scceuppo o l’à asbriou a seu machina piña de mortæ da bombe contra o Temple of Israel e o l’à averto o feugo contra i agenti da seguessa, dapeu o l’é stæto ammassou. Drento gh’ea ascì di figgeu: in sciâ fin solo un agente o l’é arrestou ferio, ma a poliçia a l’ea inandiâ pe un assato ben ciù gròsso con un çentanâ de vettue inta zöna. L’Fbi a l’indaga pe un «atto de violensa contra a communitæ ebraica». L’attentatô o se ciammava Ayman Ghazaleh e o l’aiva pubricou e fotografie da seu famiggia con scrive ch’ean stæti ammassæ inte un attacco isrælian in Libano.

Traduçion italiaña

Stati Uniti, attentato contro una sinagoga a Detroit: morto solo l’attentatore

Una sinagoga è stata attaccata a Detroit, negli Stati Uniti. Un uomo armato di fucile ha lanciato la sua auto carica di mortai esplosivi contro il Temple of Israel e ha aperto il fuoco contro gli agenti della sicurezza, per poi essere ucciso. All’interno c’erano anche dei bambini: alla fine solo un agente è rimasto ferito, ma la polizia si stava preparando a un attacco ben più massiccio, con un centinaio di veicoli nella zona. L’Fbi sta indagando per un «atto di violenza contro la comunità ebraica». L’attentatore si chiamava Ayman Ghazaleh e ha pubblicato foto della sua famiglia scrivendo che erano stati uccisi in un attacco israeliano in Libano.