O Zinâ

Ediçion

E notiçie da-a Liguria

Mòrto à Zena o Gino Paoli, e çenie spantegæ into mâ de Boccadase

O Gino Paoli, meistro da canson d’autô italiaña, o l’é mòrto à Zena inta neutte tra i 23 e i 24 de de marso, inta seu cà de d’ato à Chinto, dòppo un recòvero inte unna clinica. O l’aiva 91 anni. Fondatô da «scheua zeneise» insemme a-o Luigi Tenco, o Bruno Lauzi, o Umberto Bindi, i fræ Reverberi, o l’à scrito de quelli tòcchi tra-i ciù avvoxæ de sempre. A famiggia a l’à deçiso de çelebrâ o morteuio inte unna forma privâ. A seu voentæ a l’ea che e çenie vegnissan spantegæ into mâ de Boccadase, o borgo ch’o gh’ea cao. «Perdemmo unna voxe unica», o commento da scindica Silvia Salis. «O lascia un veuo da no credde», o l’à dito o prescidente da Region Marco Bucci.

Traduçion italiaña

Morto a Genova Gino Paoli, le sue ceneri disperse nel mare di Boccadase

Gino Paoli, maestro della canzone d’autore italiana, è morto a Genova nella notte tra il 23 e il 24 marzo, nella sua casa sopra Quinto, dopo un ricovero in clinica. Aveva 91 anni. Fondatore della «scuola genovese» insieme a Luigi Tenco, Bruno Lauzi, Umberto Bindi e i fratelli Reverberi, ha scritto alcuni dei brani più celebri di sempre. La famiglia ha deciso di celebrare i funerali in forma privata. La sua volontà era che le ceneri fossero disperse nel mare di Boccadasse, il borgo a lui caro. «Perdiamo una voce unica», ha commentato la sindaca Silvia Salis. «Lascia un vuoto incolmabile», ha affermato il presidente della Regione Marco Bucci.

In Liguria torna l’inverno, guasti pe-o vento: doe dònne ferie

A Liguria a l’é tornâ in inverno pe corpa de l’äia freida arrivâ drita da l’Artico. O fenòmeno ciù pesante o l’é stæto o vento fortiscimo de tramontaña, à 100 km/h e passa, ch’o l’à caxonou ben ben di guasti. Doe dònne son arrestæ ferie à Zena. Uña, de 65 anni, a l’é stæta piggiâ in testa da unna ramma de pin ch’a s’é abbattua in Castelletto. L’atra, de 29 anni, a l’é stæta corpia da un coppo tanto ch’a l’ea assettâ feua da un bar à San Fruttoso. Son stæte portæ à l’uspiâ, pe fortuña e condiçioin no son grave. Son stæti 170 i interventi di pompê pe erboi cheiti, pontezzi à reisego de cazze, teiti arrancæ. Xeui desviæ da l’aeropòrto, banchiñe serræ in pòrto pe raxoin de seguessa.

Traduçion italiaña

In Liguria torna l’inverno, danni per il vento: due donne ferite

La Liguria è tornata in inverno a causa dell’arrivo di aria gelida direttamente dall’Artico. Il fenomeno più pesante è stato il fortissimo vento di tramontana, con raffiche superiori ai 100 km/h, che ha causato numerosi danni. Due donne sono rimaste ferite a Genova. Una, di 65 anni, è stata colpita alla testa da un ramo di pino caduto a Castelletto. L’altra, 29enne, è stata colpita da una tegola mentre era seduta fuori da un bar a San Fruttoso. Entrambe sono state trasportate in ospedale, fortunatamente le loro condizioni non sono gravi. Sono stati 170 gli interventi dei vigili del fuoco per rimuovere alberi caduti, ponteggi a rischio di crollo e tetti scoperchiati. Voli dirottati dall’aeroporto, banchine chiuse in porto per motivi di sicurezza.

I meghi do Gaslini sarvan unna figgetta de 9 meixi con unna moutia ræa

Unna figgetta de 9 meixi con unna moutia ben ben ræa a l’é stæta sarvâ da-i meghi de l’instituto pediatrico Gaslini de Zena graçie à un protocòllo innovativo de terapia. A picciña a l’aiva unna graviscima forma de mancansa de proteiña C, pe quello a l’ea costreita à reçeive unna cua inte veñe à l’uspiâ. Oua a peu fâ unna vitta normale perché a squaddra do Gaslini a l’à adattou un attresso pe l’insuliña de mainea che a proteiña C a se poesse inettâ sotta a pelle. A figgetta a l’é stæta mandâ à casa e intanto i genitoî son stæti instruii in sciô fonçionamento do scistema. E quattro meixi dòppo, i parametri clinichi son stabili.

Traduçion italiaña

I medici del Gaslini salvano una bambina di 9 mesi con una rara malattia

Una bambina di 9 mesi affetta da una malattia molto rara è stata salvata dai medici dell’istituto pediatrico Gaslini di Genova grazie a un protocollo terapeutico innovativo. La piccola soffriva di una forma molto grave di deficit di proteina C, per la quale era stata costretta a ricevere cure endovenose in ospedale. Ora può condurre una vita normale perché l’équipe del Gaslini ha adattato un dispositivo per l’insulina in modo che la proteina C possa essere iniettata sottocute. La bambina è stata dimessa e nel frattempo i genitori sono stati istruiti sul funzionamento del sistema. Quattro mesi dopo, i parametri clinici sono stabili.

E notiçie da l’Italia

Referendum in sciâ giustiçia, guägna o no: tæramòtto into governo Meloni

O no o l’à guägno o referendum in sciâ giustiçia in Italia e da lì in avanti l’é comensou a tempesta pe-o governo Meloni. O 53,58% di votanti an refuou a reforma. L’affluensa a l’é stæta do 58,93%, ciù erta de quello che s’aspëtava. A prescidente do Conseggio a l’à commentou: «Occaxon persa ma anemmo avanti». O campo largo o l’à za comensou à parlâ de primäie. O giorno apreuvo o sottosegretäio Delmastro e o cappo do gabinetto do ministro da Giustiçia an dæto e dimiscioin. A Meloni inte unna nòtta a l’à ciammou anche quelle da ministra do Turiximo Santanchè. E lê, dòppo unna giornâ, a l’à scrito unna lettia: «Caa Giorgia, ghe mòllo, son sensa maccia ma pago i conti di atri ascì». Scrollon pe Forza Italia: o Gasparri o s’é levou da cappogruppo in Senato, a-o seu pòsto a Stefania Craxi.

Traduçion italiaña

Referendum sulla giustizia, vince il no: terremoto nel governo Meloni

Il no ha vinto il referendum sulla giustizia in Italia e da lì è iniziata la tempesta per il governo Meloni. Il 53,58% degli elettori ha respinto la riforma. L’affluenza alle urne è stata del 58,93%, superiore alle aspettative. La presidente del Consiglio ha commentato: «Occasione persa, ma andiamo avanti». Nel campo largo si è già iniziato a parlare di primarie. Il giorno dopo hanno dato le dimissioni il sottosegretario Delmastro e il capo di gabinetto del ministro della Giustizia. Meloni, in una nota, ha chiesto anche quelle della ministra del Turismo Santanchè. E lei, dopo una giornata, ha scritto una lettera: «Cara Giorgia, lascio, sono immacolata ma pago anche i conti degli altri». Scossone per Forza Italia: Gasparri si è dimesso da capogruppo al Senato, al suo posto da Stefania Craxi.

À 13 anni o l’accotella a professoa a-a scheua: «Ò sempre vosciuo fâlo»

Un figgeu de 13 anni o l’à accotellou a-o còllo a seu professoa a-a scheua. O l’é capitou a-i 25 de marso à Trescor, into Bergamasco. O studente o l’aiva indòsso unna maggetta co-a V de vendetta e o l’à repiggiou tutto in diretta co-o telefonin. A professoa, Chiara Mocchi, a l’é arrestâ feria gravemente ma a no reisega de moî. À cà do zoeno, ch’o no l’é imputabile apreuvo à l’etæ, i carabinê gh’an trovou da röba pe confeçionâ di esploxivi. In sce Telegram o l’aiva scrito sto messaggio: «Visto che no pòsso anâ in prexon, faiò quello ch’ò sempre vosciuo fâ: ammassâ lê e chisesegge ch’o çerche d’impedîmelo». Oua o l’é inte unna communitæ protezzua. «No pòrto ni raggia ni rouxia, torniò à fâ o mæ travaggio», a l’à dito a professoa Mocchi inte unna lettia scrita da l’uspiâ.

Traduçion italiaña

A 13 anni accoltella la professoressa a scuola: «Ho sempre voluto farlo»

Un ragazzo di 13 anni ha accoltellato al collo la sua professoressa a scuola. È avvenuto il 25 marzo a Trescore Balneario, in provincia di Bergamo. Lo studente indossava una maglietta con la V di vendetta e ha ripreso tutto in diretta con lo smartphone. L’insegnante, Chiara Mocchi, è rimasta gravemente ferita ma non è in pericolo di vita. Nell’abitazione del ragazzo, che non è perseguibile penalmente per via dell’età, i carabinieri hanno rinvenuto materiale per il confezionamento di esplosivi. Su Telegram aveva scritto questo messaggio: «Visto che non posso andare in prigione, farò quello che ho sempre voluto fare: uccidere lei e chiunque cerchi di fermarmi». Ora si trova in una comunità protetta. «Non provo rabbia né rancore, tornerò a fare il mio lavoro», ha dichiarato la professoressa Mocchi in una lettera scritta dall’ospedale.

Ballon, urtimo scheuggio pe-a Naçionale verso a qualificaçion a-i mondiali

A Naçionale italiaña de ballon a l’à guägno (con fadiga) contra l’Irlanda do Nòrd inta semifinale di playoff pe-a qualificaçion a-i mondiali. Davanti a-i 23mia tifoxi do stadio de Bergamo, a vittöia pe 2-0 a l’é arrivâ into segondo tempo co-e ræ do Tonali e do Kean. «A partia ciù importante da mæ carrea da allenatô», o l’aiva dito o Gennaro Gattuso. Oua l’urtimo scheuggio inta finale contra a Bòsnia, ch’a l’à battuo o Galles a-i rigoî, pe un obiettivo che i azzurri an fallio e urtime doe vòtte. «Ghe saià da giaminâ – o l’à commentou o mister – anche staseia a l’é stæta dua».

Traduçion italiaña

Calcio, ultimo scoglio per la Nazionale verso la qualificazione ai mondiali

La Nazionale italiana di calcio ha vinto (a fatica) contro l’Irlanda del Nord nella semifinale dei playoff per la qualificazione ai mondiali. Davanti ai 23 milioni di tifosi presenti allo stadio di Bergamo, la vittoria per 2-0 è arrivata nel secondo tempo con le reti di Tonali e Kean. «La partita più importante della mia carriera da allenatore», aveva detto Gennaro Gattuso. Ora l’ultimo scoglio è la finale contro la Bosnia, che ha battuto il Galles ai rigori, per un obiettivo che gli azzurri non sono riusciti a raggiungere nelle ultime due occasioni. "Ci sarà da faticare – ha commentato il mister – anche stasera è stata dura.

E notiçie da-o mondo

Guæra in Iran, o Trump e ferma i attacchi: poscibile accòrdio in sce l’atòmica

Speranse de paxe into Levante de Mezo. O prescidente american Donald Trump o l’à annonçiou a pösa di attacchi contra i sciti energetichi fin a-i 6 d’arvî. Quande mancava pöco che descazzesse l’ultimatum à Teheran, o Trump o l’aiva annonçiou un accòrdio inte 15 ponti con l’Iran, ch’o ghe mollieiva in sciâ bomba atòmica. O cian o l’é stæto refuou da-o regimme, ch’o l’à misso çinque condiçioin pe unna tregua tra e quæ o fermo di attacchi da Stati Unii e Isræle. Ma o tycoon o l’à inscistio: «E trattative van beniscimo ascì ben che gh’é de informaçioin fäse». Sedonca, i Stati Unii saieivan za pronti à l’attacco finale, anche con unn’invaxon de tæra.

Traduçion italiaña

Guerra in Iran, Trump ferma gli attacchi: possibile accordo sull’atomica

Speranze di pace in Medio Oriente. Il presidente americano Donald Trump ha annunciato la sospensione degli attacchi ai siti energetici fino al 6 aprile. Quando l’ultimatum a Teheran stava per scadere, Trump aveva annunciato un accordo in 15 punti con l’Iran, che rinuncerebbe alla bomba atomica. Il piano è stato respinto dal regime, che ha posto cinque condizioni per una tregua, tra cui la cessazione degli attacchi statunitensi e israeliani. Ma il tycoon ha insistito: «I negoziati stanno andando molto bene nonostante le fake news». Altrimenti, gli Stati Uniti sarebbero già pronti per l’attacco finale, anche con un’invasione di terra.

A prescindete da Bce a l’avverte: «Scrollon de là de quello che s’imaginemmo»

«Co-a guæra in Iran semmo davanti à un veo scrollon, che l’é bon ch’o vagghe de là de quello che s’imaginemmo pe-o momento». L’à dito a Christine Lagarde, a prescidente da Banca çentrale europea. I mercoei finançiäi, segondo lê, «fòscia son tròppo ottimisti e fermi into voei arrestâ ottimisti, inta speransa che che se torne a-a normalitæ da chì à no guæi». Intanto però e Borse europee an scommisso in sciâ poscibilitæ de un accòrdio co-i Stati Unii e an repiggiou 400 miliardi e passa into gio de træ sescioin. Anche o prexo do petròlio e do gazzo o l’é anæto zu dòppo de settemañe de montâ.

Traduçion italiaña

La presidente della Bce avverte: «Schock oltre ciò che immaginiamo»

«Con la guerra in Iran ci troviamo di fronte a una situazione davvero critica, che probabilmente andrà oltre ciò che attualmente immaginiamo». Lo ha detto Christine Lagarde, presidente della Banca centrale europea. I mercati finanziari, a suo avviso, «sono forse troppo ottimisti e ostinati nel voler rimanere tali, nella speranza di un rapido ritorno alla normalità». Nel frattempo, però, le Borse europee hanno scommesso sulla possibilità di un accordo con gli Stati Uniti, recuperando oltre 400 miliardi di euro in tre sedute. Anche i prezzi del petrolio e del gas sono scesi dopo settimane di rialzi.

Primma dònna à cappo da Gexa anglicaña, a Sarah Mullally neuva arçivescoa

A Sarah Mullally a l’é a neuva arçivescoa de Canterbury. Pe-a primma vòtta inta stöia unna dònna a l’é in çimma a Gexa d’Inghiltæra: a-i 26 de marso gh’é stæto a çeimònia d’investitua a-a presensa di prinçipi William e Kate. «Portemmo inti nòstri cheu e inte nòstre preghee e vittime e i scampæ a-i abuxo», e poule co-e quæ a l’à comensou a predica. A l’à promisso de «abbatte e miage che dividdan», ma a seu nòmina a l’à generou de tenscioin assæ erte tra i conservatoî, sorviatutto in Africa, donde çentanæa de vescoi no an reconosciuo a Mullally e coscì, de fæto, an marcou unna separaçion da-a Gexa anglicaña.

Traduçion italiaña

Prima donna a capo della Chiesa Anglicana, Sarah Mullally nuova arcivescova

Sarah Mullally è la nuova arcivescova di Canterbury. Per la prima volta nella storia una donna è a capo della Chiesa d’Inghilterra: il 26 marzo si è svolta la cerimonia di insediamento alla presenza dei principi William e Kate. «Portiamo nel cuore e nelle nostre preghiere le vittime e i sopravvissuti agli abusi», le parole con cui ha aperto il sermone. Ha promesso di «abbattere i muri che dividono», ma la sua nomina ha generato forti tensioni tra i conservatori, soprattutto in Africa, dove centinaia di vescovi non hanno riconosciuto Mullally, segnando di fatto una separazione dalla Chiesa anglicana.