O Zinâ

Ediçion

E notiçie da-a Liguria

O Commun de Zena o l’indica 30 sciti abbandonæ pe mettighe de neuve attivitæ

O Commun de Zena o l’indichià 30 sciti ancheu feua de deuvia pe mettighe de neuve attivitæ. L’annonçio o l’é arrivou da-a scindica Silvia Salis inte l’assemblea pubrica de Spediporto. L’elenco de zöne – che s’attreuvan into Besagno, inta Ponçeivia e into Ponente – o saià inte unna delibera de zonta da chì à no guæi. «Gh’é de construçioin che no gh’an ciù senso d’existe – a l’à dito a Salis – e gh’é beseugno d’investimenti che l’amministraçion a no se peu permette, ma che i privæ gh’an l’interesse à fâ. O Commun de Zena o veu dâ unna man». Ghe saià de façilitaçioin pe-a regeneraçion e ascì a poscibilitæ de cangio de destinaçion d’uso temporaneo.

Traduçion italiaña

Il Comune di Genova individua 30 siti abbandonati per insediare nuove attività

Il Comune di Zena individuerà 30 aree attualmente inutilizzate per insediarvi nuove attività. L’annuncio è arrivato dalla sindaca Silvia Salis durante l’assemblea pubblica di Spediporto. L’elenco delle aree – situate in Valbisagno, Valpolcevera e Ponente – sarà presto incluso in una delibera di giunta. «Ci sono fabbricati che non hanno più senso di esistere – ha affermato Salis – e c’è bisogno di investimenti che l’amministrazione non può permettersi, ma che il settore privato è interessato a realizzare. Il Comune di Genova vuole dare una mano». Saranno previsti incentivi per la rigenerazione e anche la possibilità di cambio di destinazione d’uso temporaneo.

Scormatô do Besagno, neuvi ascadi: a Tbm a treuva unna miagia d’argilla

Neuvi sappelli pe-o cantê do scormatô di Besagno ch’o dovià mette in seguessa a valladda. A Tbm, o machinäio ch’o l’à d’arvi a galleria fin à in corso Italia, a l’à trovou un gròsso blòcco d’argilla ch’o no l’ea previsto inti studdi. A descoverta a mette à reisego o travaggio, za in retardio pe di anni. O materiale o no se peu addeuviâ torna, donca o l’avià da ëse cacciou inte unna descarrega con di costi in azzonta. Pe de ciù l’argilla a l’impasta a machina, ch’a dev’ëse nettezzâ delongo, coscì o scavo o va avanti à 6 metri a-o giorno, manco a meitæ de previxoin. Oua cresce l’ipòtexi de unna variante ch’a porrieiva costâ in scî 40 mioin.

Traduçion italiaña

Scolmatore del Besagno, nuovi problemi: la Tbm trova un muro di argilla

Nuovi ostacoli per il cantiere dello scolmatore del Bisagno che dovrà mettere in sicurezza la valle. La Tbm, il macchinario che deve realizzare la galleria fino a corso Italia, si è imbattuta in un grosso blocco di argilla non previsto dagli studi. La scoperta mette a rischio i lavori, già in ritardo di anni. Il materiale non è riutilizzabile, quindi dovrà essere smaltito in discarica con costi aggiuntivi. Inoltre l’argilla impasta la macchina, che deve essere costantemente pulita, quindi lo scavo procede a 6 metri al giorno, nemmeno la metà delle previsioni. Ora cresce l’ipotesi di una variante che potrebbe costare circa 40 milioni.

Tentativo de rapiña à Borghetto, figgeu de 15 anni o l’accotella un giornalâ

Un zoenòtto de 15 anni o l’à çercou de rapinâ un giornalâ à Borghetto, in provinsa de Saña, ferindolo con un cotello. I fæti son di 27 d’arvî, quande l’aggressô o l’à provou à arröbâ l’incascio e dapeu o l’à corpio l’òmmo a-a testa, à unna spalla e a-a pansa. Lê o se gh’é regiou contra e o figgeu o l’ea scappou. I carabinê, graçie a de testimonianse e à unna telecamera, l’an trovou za inte quella seiaña inte unna casa de famiggia in provinsa de Lusciandria. I vestî ch’o l’aiva indòsso son stæti sexii comme preuve.

Traduçion italiaña

Tentativo di rapina a Borghetto, ragazzo di 15 anni accoltella un edicolante

Un ragazzo di 15 anni ha tentato di rapinare un edicolante a Borghetto, in provincia di Savona, ferendolo con un coltello. I fatti risalgono al 27 aprile, quando l’aggressore ha tentato di rubare l’incasso e poi ha colpito l’uomo alla testa, a una spalla e all’addome. Lui ha reagito e il ragazzo è fuggito. I carabinieri, grazie ad alcune testimonianze e a una telecamera, lo hanno rintracciato già quella sera in un’abitazione dei familiari in provincia di Alessandria. Gli abiti che indossava sono stati sequestrati come prove.

E notiçie da l’Italia

O caxo da graçia pe-a Nicole Minetti, o Quirinale o domanda de fâ ciæo

Neuvo ciæto pe-o governo Meloni. O Quirinale o l’à domandou a-o ministëio da Giustiçia de fâ ciæo in sciâ «suppòsta fäscitæ» di atti ch’an portou à accordâ a graçia a-a Nicole Minetti, condannâ pe façilitaçion da prostituçion into proçesso Ruby bis, pe permettighe d’asciste un figgeu mouto ch’a l’à adottou in Uruguay co-o compagno Giuseppe Cipriani. «Ninte d’errou», a l’à dito a prescidente do Conseggio into renovâ a confiansa a-o ministro Nordio. A Minetti a l’à parlou de «notiçie fäse». A Procua generale de Milan a l’à incarregou l’Interpol de fâ de neuve verifiche à l’estranxeo in sce l’adoçion. Segondo di giornali de l’Uruguay ghe saieiva stæto de inregolaritæ, ma o passou prescidente de l’ente ch’o gestisce e adoçioin o l’à dito che a lezze a l’é stæta respettâ.

Traduçion italiaña

Il caso della grazia per Nicole Minetti, il Quirinale chiede chiarimenti

Nuovo guaio per il governo Meloni. Il Quirinale ha chiesto al ministero della Giustizia di fare chiarezza sulle «supposte falsità» che hanno portato alla concessione della grazia a Nicole Minetti, condannata per favoreggiamento della prostituzione nel processo Ruby bis, per per permetterle di assistere un bambino malato che ha adottato in Uruguay col compagno Giuseppe Cipriani. «Niente di sbagliato», ha dichiarato la presidente del Consiglio, rinnovando la fiducia nel ministro Nordio. Minetti ha parlato di «notizie false». La Procura generale di Milano ha incaricato l’Interpol di effettuare nuove verifiche all’estero sull’adozione. Secondo media uruguaiani ci sarebbero state irregolarità, ma l’ex presidente dell’ente che si occupa delle adozioni ha affermato che la legge è stata rispettata.

Spari contra l’Anpi in sciô 25 d’Arvî, offeise pe-a Bregadda Ebraica

Violensa e polemiche in sciô 25 d’Arvî. À Romma un zoeno de 21 anni o l’à sparou con unna pistòlla à ballin à doe militanti de l’Anpi, maio e moggê. O se ciamma Eitan Bondi, o l’à dito d’ëse da communitæ ebraica, che però a l’à piggiou e distanse. À Milan offeise antisemite a-a Bregadda Ebraica: «Sei de savonette mancæ». In sciâ fin gh’é toccou lasciâ o corteo accompagnæ da-a poliçia. Gh’é stæto ascì de aggrescioin à di attivisti co-e bandee de l’Ucraina. A prescidente Meloni a no l’à minsonou o caxo do Bondi, ma a l’à commentou: «Se sti chì son quelli che dixan de defende a democraçia gh’emmo un problema». A Liliana Segre: «À 96 anni me pregan a mòrte». A-i 26 d’arvî manifestaçion fascista à Dongo e Predappio.

Traduçion italiaña

Spari contro l’Anpi il 25 Aprile, offese per la Brigata Ebraica

Violenza e polemiche in occasione del 25 aprile. A Roma, un 21enne ha sparato con una pistola a pallini a due militanti dell’Anpi, marito e moglie. Si chiama Eitan Bondi e ha affermato di appartenere alla comunità ebraica, che tuttavia ha preso le distanze. A Milano insulti antisemiti contro la Brigata Ebraica: «Siete saponette mancate». Alla fine sono stati costretti ad abbandonare il corteo scortati dalla polizia. Si sono verificate anche aggressioni contro attivisti con bandiere ucraine. La presidente Meloni non ha citato il caso di Bondi, ma ha commentato: «Se questi sono coloro che affermano di difendere la democrazia, abbiamo un problema». Liliana Segre: «A 96 anni mi augurano la morte». Il 26 aprile manifestazione fascista a Dongo e Predappio.

Arbitri de ballon condiçionæ, a Procua de Milan a l’indaga in scê designaçioin

O ballon italian torna inta tempesta. O designatô Gianluca Rocchi o l’é indagou da-a Procua de Milan con l’accusa d’avei condiçionou di arbitri e d’aveine çernuo de quelli che gh’ea cao à l’Inter. De drento gh’é ascì o Andrea Gervasoni, supervisô do Var, ma ghe saieiva di atri indagæ. «Se saià açertou de responsabilitæ, no porrià no ësighe de conseguense», o l’à dito o ministro do Spòrt Abodi. O Rocchi o s’é sospeiso da lê. Di arbitri ciammæ comme testimònni avieivan confermou che çerte designaçioin son stæte mastrussæ, in particolâ quella pe Bològna-Inter a-i 20 d’arvî do 2025. Ma sotta a lente di investigatoî gh’é ciù partie tra e quæ o derby co-o Milan di 2 d’arvî finio 1-1 sotta a direçion do Andrea Colombo.

Traduçion italiaña

Arbitri di calcio condizionati, la Procura di Milano indaga sulle designazioni

Il calcio italiano è di nuovo nella bufera. Il designatore Gianluca Rocchi è indagato dalla Procura di Milano con l’accusa di aver condizionato alcuni arbitri e di averne scelto di graditi all’Inter. Tra i coinvolti c’è anche Andrea Gervasoni, supervisore del Var, ma ci sarebbero altri indagati. «Se verranno accertate responsabilità, potrebbero esserci delle conseguenze», ha dichiarato il ministro dello Sport Abodi. Rocchi si è autosospeso. Gli arbitri chiamati a testimoniare avrebbero confermato che alcune designazioni sono state manipolate, in particolare quella per Bologna-Inter del 20 aprile 2025. Ma nel mirino degli investigatori ci sono diverse partite tra cui il derby col Milan del 2 aprile finito 1-1 sotto la direzione di Andrea Colombo.

E notiçie da-o mondo

Attentato à unna çeña à Washington, òmmo fermou: «O voieva assascinâ o Trump»

O prescidente di Stati Unii Donald Trump o l’é scampou pe-a tersa vòtta à un attentato. Un òmmo o l’à sparou tanto che gh’ea a seiaña elegante co-i media à Washington, in sciâ fin solo che un agente o l’é stæto ferio. L’aggressô o l’é o Tomas Allen, un òmmo de 31 anni armou fin a-i denti ch’o l’aiva parteçipou a-e proteste do movimento No Kings contra o Trump. O l’é arriescio à passâ un metal detector con un scceuppo inte moen. O l’é stæto accaxonou de tentativo d’assascinio do prescidente. «O voeiva fâ quarcösa pe-i problemi do mondo», a l’à contou a seu. «No gh’ò avuo poia, vivemmo inte un mondo de matti», o commento do Trump.

Traduçion italiaña

Attentato a una cena a Washington, uomo fermato: «Voleva assassinare Trump».

Il presidente degli Stati Uniti Donald Trump è scampato per la terza volta a un attentato. Un uomo ha sparato durante una cena di gala con i media a Washington, alla fine solo un agente è rimasto ferito. L’aggressore è Tomas Allen, un 31enne armato fino ai denti che aveva partecipato alle proteste del movimento No Kings contro Trump. È riuscito a superare un metal detector con un fucile in mano. È stato accusato di tentato assassinio del presidente. «Voleva fare qualcosa per i problemi del mondo», ha raccontato la sorella. «Non ho avuto paura, viviamo in un mondo di pazzi», ha commentato Trump.

Guæra in Iran, e negoçiaçion no van avanti e o Putin o preuva a mediaçion

E negoçiaçioin tra Stati Unii e Iran son ancon ferme tanto che a guæra a l’é ancon sospeisa. Teheran a l’à presentou unna neuva propòsta ch’a prevedde d’arvî torna o streito de Hormuz in cangio do retio do blòcco american di pòrti e a fin da guæra. O prescidente Trump o l’é stæto informou di cen pe di poscibili neuvi attacchi. O Putin o l’à incontrou o ministro de l’Estranxeo iranian Araghchi, dapeu o l’à sentio o Trump a-o telefono parlando ascì de unna tregua in Ucraina a-i 9 de mazzo. Intanto o cappo da Casa Gianca o menassa de redue e truppe in Germania, Italia e Spagna pe no avei aggiuttou inta guæra.

Traduçion italiaña

Guerra in Iran, i negoziati non vanno avanti e Putin tenta la mediazione

I negoziati tra Stati Uniti e Iran restano in una fase di stallo, mentre la guerra è ancora sospesa. Teheran ha presentato una nuova proposta che prevede la riapertura dello stretto di Hormuz in cambio della revoca del blocco americano dei porti e della fine del conflitto. Il presidente Trump è stato informato sui piani per possibili nuovi attacchi. Putin ha incontrato il ministro degli Esteri iraniano Araghchi, poi ha sentito Trump al telefono parlando anche di una tregua in Ucraina il 9 maggio. Nel frattempo, il presidente della Casa Bianca minaccia di ridurre le truppe in Germania, Italia e Spagna per la loro mancata collaborazione nel conflitto.

Isræle o l’interçetta a Global Sumud Flotilla feua da Cretta, attivisti arrestæ

A Global Sumud Flotilla, con 50 nave sarpæ da ciù Paixi into tentativo d’arrivâ à Gazza pe distribuî di aggiutti, a l’é stæta interçettâ da-e fòrse d’Isræle inte l’ægua internaçionale feua da Cretta e 175 attivisti de naçionalitæ differente son stæti fermæ e portæ à bòrdo de unna nave militare. O fæto o l’à caxonou ben ben de reaçioin à l’ivello internaçionale. A Turchia a l’à parlou de «unn’açion da corsæ», l’Union europea a l’à reciammou Isræle a-o respetto do drito internaçionale, anche l’Italia a l’à condannou l’attacco. Incangio i Stati Unii an candannou a Flotilla con definîla «amiga de Hamas» e «desavvantaggiosa».

Traduçion italiaña

Israele intercetta la Global Sumud Flotilla al largo di Creta, attivisti arrestati

La Global Sumud Flotilla, composta da 50 imbarcazioni allestite da diversi Paesi nel tentativo di raggiungere Gaza per distribuire aiuti umanitari, è stata intercettata dalle forze israeliane nelle acque internazionali al largo di Creta e 175 attivisti di varie nazionalità sono stati fermati e portati a bordo di una nave militare. L’azione ha suscitato forti reazioni a livello internazionale. La Turchia ha parlato di «un’azione piratesca», l’Unione europea ha invitato Israele a rispettare il diritto internazionale e anche l’Italia ha condannato l’attacco. Gli Stati Uniti, invece, hanno condannato la Flotilla definendola «favorevole ad Hamas» e «controproducente».