O Zinâ

Ediçion

E notiçie da-a Liguria

Primmo anno da zonta Salis, annonçiou un progetto pe stradda XX Settembre

Conferensa stampa tra e polemiche pe-o primmo anno da zonta da Silvia Salis à Zena. A scinidica a l’à annonçiou un neuvo progetto pe stradda XX Settembre, ch’a vegnià comme «un boulevard europeo» co-a parte de d’ato serrâ a-i mezzi privæ, marciapê ciù larghi, banche, piste çiclabile e giardinetti. E attivitæ economiche an domandou di parchezzi «sedonca a çittæ a vëgne veua». Ancon violensa in çittæ, se parla delongo de seguessa: à Zena arrivià o ministro de l’Interno Matteo Piantedosi con l’ipòtexi d’arvî un çentro pe-i rimpatri. L’oppoxiçion a l’attacca inte unn’atra conferensa stampa: «Un anno de fäscitæ e scarregabarî, a çittæ a l’é bloccâ».

Traduçion italiaña

Primo anno della giunta Salis, annunciato un progetto per via XX settembre

Conferenza stampa tra le polemiche per il primo anno della giunta di Silvia Salis a Genova. La sindaca ha annunciato un nuovo progetto per via XX Settembre, che diventerà una sorta di «boulevard europeo» con la parte superiore chiusa al traffico privato, marciapiedi più ampi, panchine, piste ciclabili e aiuole. Le attività economiche hanno chiesto parcheggi «altrimenti la città si svuota». Ancora violenza in città, si parla sempre di sicurezza: a Genova arriverà il ministro dell’Interno Matteo Piantedosi con l’ipotesi di aprire un centro per i rimpatri. L’opposizione attacca in un’altra conferenza stampa: «Un anno di fake news e di scaricabarile, la città è bloccata».

Maneuvra da 120 mioin pe-a sanitæ da Liguria, o Bucci: «O no l’é un pascivo»

O Conseggio regionale da Liguria o l’à approvou unna maneuvra da 120 mioin d’euro pe crovî o pascivo da sanitæ. Ma o prescidente Marco Bucci o no veu ciammâlo coscì: «A l’é unna speisa ciù erta, noiatri semmo lì ch’investimmo de ciù, vorrieiva savei chi no l’é d’accòrdio». L’assessoa Morich a l’à asseguou che no ghe saià di taggi a-e atre voxe. L’oppoxiçion a l’accusa: «Gh’é un pertuso ch’o l’é stæto denegou e ancheu o vëgne feua bello ciæo. Sto chì o l’é un deficit de struttua ch’o mangia de maniman tutte e scòrte».

Traduçion italiaña

Manovra da 120 milioni per la sanità della Liguria, Bucci: «Non è un disavanzo»

Il Consiglio regionale della Liguria ha approvato una manovra da 120 milioni di euro per coprire il disavanzo della sanità. Ma il presidente Marco Bucci non vuole chiamarlo così: «Si tratta di maggiori spese, stiamo investendo di più, vorrei sapere chi non è d’accordo». La consigliera Morich ha assicurato che non ci saranno tagli ad altre voci. L’opposizione accusa: «C’è un buco che è stato negato e oggi emerge in tutta la sua evidenza. Si tratta di un deficit strutturale che sta lentamente erodendo tutte le riserve».

Ventemiggia, doî zoeni se bollan d’in sce un scheuggio: attrovæ mòrti

Tragedia à Ventemiggia. Doî zoeni de 19 e 25 anni son stæti attrovæ mòrti a-i 12 de zugno vexin à l’intrâ do portixeu da Caa do Fòrte. No se saiva ciù donde fïsan da-i 10 de zugno, quande s’ean bollæ d’in sce un scheuggio. O ciù zoeno o se ciammava Whalid Sobi, originäio do Maròcco, l’atro o l’ea o braxilian Ewerton Bernardo Dos Santos, tutti doî rescidenti à Sanremmo. Chi l’à attrovou i còrpi sensa vitta l’é stæto i magroin di pompê dòppo doî giorni in çerchia sensa pösa.

Traduçion italiaña

Ventimiglia, due giovani si tuffano da uno scoglio: trovati morti

Tragedia a Ventimiglia. Due giovani di 19 e 25 anni, sono stati trovati morti il ​​12 giugno vicino all’imbocco del porticciolo Cala del Forte. Non si avevano più notizie di loro dal 10 giugno, quando si erano tuffati da uno scoglio. Il più giovane si chiamava Whalid Sobi, originario del Marocco, l’altro era il brasiliano Ewerton Bernardo Dos Santos, entrambi residenti a Sanremo. A ritrovare i corpi senza vita sono stati i vigili del fuoco, dopo due giorni di ricerche senza sosta.

E notiçie da l’Italia

Ponte in sciô Streito, a Procua de Romma a l’indaga pe corruçion

A Procua de Romma a l’à averto unn’investigaçion pe corruçion in sciô progetto do ponte in sciô Streito de Mesciña. I magistrati an inscrito into registro di indagæ o passou prescidente azzonto da Corte di conti Tommaso Miele, l’imprenditô Vincenzo Virgiglio e l’avvocato Giacomo Saccomanno ch’o l’ea into conseggio d’amministraçion da soçietæ Stretto de Messina e commissäio da Lega in Calabria. Segondo l’accusa avieivan travaggiou pe ottegnî un pai poxitivo a-o progetto da-a Corte di conti, che incangio a l’aiva refuou a delibera do Cipess do 2025. O Miele, stæto interçettou, o diva: «I mæ amixi a-o governo, pe-o primmo o Salvini». Pe-a Procua i indagæ avieivan çercou de corrompe di atri giudiçi.

Traduçion italiaña

Ponte sullo Stretto, la Procura di Roma indaga per corruzione

La Procura di Roma ha aperto un’inchiesta per corruzione in relazione al progetto del ponte sullo Stretto di Messina. I magistrati hanno iscritto nel registro degli indagati l’ex presidente aggiunto della Corte dei Conti Tommaso Miele, l’imprenditore Vincenzo Virgiglio e l’avvocato Giacomo Saccomanno, che era membro del consiglio di amministrazione della società Stretto di Messina e commissario della Lega in Calabria. Secondo l’accusa, avrebbero cercato di ottenere un parere favorevole da parte della Corte dei conti, che invece ha respinto la delibera di Cipess nel 2025. Miele, intercettato, avrebbe dichiarato: «I miei amici al governo, a partire da Salvini». Per l’accusa, gli inquirenti avrebbero tentato di corrompere altri giudici.

Scontro Meloni-Vannacci, a prescidente do Conseggio: «Aggiuttæ a scinistra»

Scontro averto tra a Giorgia Meloni e o Roberto Vannacci. O generale o l’à guägno pe-o seu neuvo partio atri çinque parlamentari da Lega e Forza Italia. A prescidente do Conseggio a l’à attaccou: «Pe sëi vòtte ei votou contra a confiansa à sto governo insemme co-a Schlein, o Conte, o Renzi e compagnia… No parlæme de drita vea perché a drita vea a no l’é mai fonçionale a-a scinistra». E oppoxiçioin: «Ei fallio e o prexo ô paga i italien». I ballottaggi pe-e eleçioin amministrative finiscian torna con unna patta. In sce 18 çittæ prinçipæ o çentro-scinistra o passa da 8 à 10 scindichi, o çentro-drita da 5 à 6, i çivichi e i atri partii da 5 à 2.

Traduçion italiaña

Scontro Meloni-Vannacci, la presidente del Consiglio: «Aiutate la sinistra»

Scontro aperto tra Georgia Meloni e Roberto Vannacci. Il generale ha conquistato per il suo nuovo partito altri cinque parlamentari da Lega e Forza Italia. La presidente del Consiglio attacca: «Per sei volte avete votato contro la fiducia a questo governo insieme a Schlein, Conte, Renzi e compagnia… Non parlatemi di destra vera perché la destra vera non è mai funzionale alla sinistra». L’opposizione: «Avete fallito e il prezzo lo pagano gli italiani». I ballottaggi per le elezioni amministrative si concludono di nuovo con un pareggio. Su 18 capoluoghi il centrosinistra passa da 8 a 10 sindaci, il centrodestra da 5 a 6, i civici e gli altri partiti da 5 a 2.

Delitto de Garlasco, o Stasi verso a sciortia d’in prexon e i serviçi soçiali

O Alberto Stasi, pe-o momento l’unico condannou pe l’ammassamento da Chiara Poggi into delitto de Garlasco, o l’é in scî pissi de sciortî d’in prexon pe ëse misso in preuva a-i serviçi soçiali. A Procua generale à l’à dæto un pai poxitivo a-a domanda da defeisa, oua s’aspeta a luxe verde do Tribunale de guardia de Milan. O Stasi o l’ea za in meza libertæ. Inte l’udiensa segretta o l’à respòsto paxe a-i magistrati: «O l’à açettou a condanna ascì ch’o peu dîse innoçente e o l’é apreuvo à indennizzâ i Poggi». A famiggia da Chiara: «O ghe n’à o drito, ma a condanna a l’arresta».

Traduçion italiaña

Delitto di Garlasco, Stasi verso l’uscita dal carcere e i servizi sociali

Alberto Stasi, attualmente l’unico condannato per l’omicidio di Chiara Poggi nel delitto di Garlasco, è a un passo dalla scarcerazione per essere affidato in prova ai servizi sociali. La Procura generale ha dato parere positivo alla richiesta della difesa, ora si attende il via libera del Tribunale di sorveglianza Milano. Stasi era già in semilibertà. Durante l’udienza a porte chiuse ha risposto con calma ai magistrati: «Ha accettato la condanna anche se può dirsi innocente e sta risarcendo i Poggi». La famiglia di Chiara: «Ne ha diritto, ma la condanna resta».

E notiçie da-o mondo

Guæra Stati Unii-Iran, accòrdio sempre ciù vexin: «Testo definitivo e concordou»

Sempre ciù vexin l’accòrdio pe fermâ a guæra tra Stati Unii e Iran dòppo de settemañe d’invexendo. O primmo ministro pachistan o l’à annonçiou: «S’é arrivæ à un testo definitivo e concordou». L’inteisa a porrieiva ëse firmâ à Ginevra in presensa do Vance e do Ghalibaf, ma Teheran a no l’escludde che o scigillo o se pòsse mette «da lontan» e o parla de un pedaggio obrigatöio pe passâ o streito de Hormuz. In sce sto ponto o Trump o parla de «notiçie fäse» e dapeu o l’attacca torna l’Euröpa e o G7: «Emmo guägno sensa o seu aggiutto».

Traduçion italiaña

Guerra Stati Uniti-Iran, accordo sempre più vicino: «Testo definitivo e concordato»

Irlanda do Nòrd, scontri e violense contra i migranti africhen

Gran ravaxo e violense contra i migranti inte l’Irlanda do Nòrd. À caxonâle l’é stæto o tentativo d’ammassamento de un òmmo de 40 anni accotellou da un refuggiou sudaneise. Inta neutte tra i 10 e i 11 de zugno dexeñe de manifestanti à Belfast an dæto feugo à de case e de machine, insou di scontri co-a poliçia e inandiou quello che se gh’é dito un «pogrom» contra i foresti, in particolâ i africhen. O primmo ministro Starmer o l’à dito che sti fæti «no se peuan açettâ» e o l’à mandou di rinfòrsi da Londra. I sostegnitoî do Farage van apreuvo a-e proteste, o Elon Musk ascì o l’à scompartio in sce X un appello à anâ inte stradde.

Traduçion italiaña

Irlanda del Nord, scontri e violenze contro i migranti africani

Caos e violenze contro i migranti in Irlanda del Nord. La causa scatenante è stato il tentato omicidio di un uomo di 40 anni, accoltellato da un rifugiato sudanese. Nella notte tra il 10 e l’11 giugno decine di manifestanti a Belfast hanno incendiato case e automobili, provocato scontri con la polizia e dato vita a quello che è stato definito un «pogrom» contro gli stranieri, in particolare gli africani. Il primo ministro Starmer ha definito questi atti «inaccettabili» e ha inviato rinforzi da Londra. I sostenitori di Farage cavalcano le proteste, e anche Elon Musk ha condiviso su X un appello a scendere in piazza

A Bce a l’à tiou scù i tasci d’interesse, primma vòtta da-o 2023

A Banca çentrale europea a l’à tiou sciù i tasci d’interesse da-o 2% a-o 2,25%. A l’é a primma streita da-o settembre do 2023, con tutto che a deçixon, piggiâ à l’unanimitæ, a l’ea prevista da-i economisti apreuvo a-o scrollon energetico caxonou da-a guæra in Iran. E previxoin de crescita son stæte taggiæ ancon (0,8% pe-o 2026) e quelle de l’inflaçion pezoan (3% pe st’anno). A prescidente da Bce Christine Lagarde, a l’à deciarou: «Nisciuña mesua drastica, emmo dæto un segnâ, ma ciù a guæra a dua e ciù i reiseghi montan».

Traduçion italiaña

La Bce ha alzato i tassi di interesse prima volta dal 2023

La Banca centrale europea ha alzato i tassi di interesse dal 2% al 2,25%. È la prima stretta da settembre 2023, sebbene la decisione, presa all’unanimità, fosse attesa dagli economisti a seguito dello shock energetico causato dalla guerra in Iran. Le previsioni di crescita sono state ulteriormente riviste al ribasso (0,8% per il 2026) e quelle sull’inflazione peggioreranno (3% per quest’anno). La presidente della Bce Christine Lagarde, ha dichiarato: «Nessuna misura drastica, abbiamo dato un segnale, ma più a lungo dura la guerra, più aumentano i rischi».