O Zinâ

Ediçion

E notiçie da-a Liguria

Scontro a-o Çeiâ, mòrta unna figgia de 22 anni: indignaçion pe-i video de un zoeno

Unna figgia a l’é mòrta e unn’atra a l’é arrestâ gravemente feria inte un scontro avvegnuo a-o Çeiâ, in sce l’Aurelia, inta neutte tra i 19 e i 20 de zugno. Unna machina con quattro zoeni à bòrdo, guiddâ da unna figgia de 19 anni ch’a l’é stæta denonçiâ, a l’à piccou contra a möto ch’a portava e doe amighe. A vittima a se ciammava Sofia Barbieri, l’atra Emma Brasca, tutte doe de 22 anni. Indignaçion pe-o video pubricou da un di zoeni ch’ean in sciâ machina: «N’an dæto tentativo d’ammassamento, pe un meise niente travaggio». Dòppo ch’o s’é scusou, o l’à pubricou un atro video tanto ch’o partiva pe-o Portogallo. A-i 25 de zugno l’urtimo saluo a-a Sofia Barbieri, tanto che l’amiga a l’é sciortia da-a reanimaçion.

Traduçion italiaña

Scontro a Ceriale, morta una ragazza di 22 anni: indignazione per i video di un ragazzo

Una ragazza è morta e un’altra è rimasta gravemente ferita in uno scontro avvenuto a Ceriale, sull’Aurelia, nella notte tra il 19 e il 20 giugno. Un’auto con a bordo quattro giovani, guidata da una ragazza di 19 anni che è stata denunciata, ha investito la moto su cui viaggiavano le due amiche. La vittima si chiamava Sofia Barbieri, l’altra Emma Brasca, entrambe di 22 anni. Indignazione per il video pubblicato da uno dei giovani che erano in macchina: «Ci hanno dato tentato omicidio, niente lavoro per un mese». Dopo essersi scusato, ha pubblicato un altro video mentre partiva per il Portogallo. Il 25 giugno l’ultimo saluto a Sofia Barbieri, mentre l’amica è uscita dalla rianimazione.

Intermediaçion inleçita into cantê di cascioin da neuva diga, eutto arresti

Eutto persoñe son stæte arrestæ da-i carabinê de Saña pe intermediaçion inleçita e sfrütamento do travaggio into cantê pe-a construçion di cascion da neuva diga do pòrto de Zena. L’investigaçion a l’é partia da-a segnalaçion de çerti louanti indien ch’ean stæti scorrii da-o travaggio e da l’allögio perché se refuavan de dâ unna parte da paga a-i referenti de dite. Inte 42 an denonçiou de scituaçioin pæge: tanti an contou ch’aivan da dâ inderê in monæ tra-o 40% e o 60% di seu stipendi, de mainea ch’ean pagæ 5-7 euro à l’oa. I arrestæ son sette indien e un pachistan, responsabili e dependenti de doe soçietæ. Atri çinque son indagæ in libertæ. «Son contento de l’investigaçion, chi se compòrta mâ o l’à da pagâ e conseguense», o commento do prescidente ligure e commissäio Marco Bucci.

Traduçion italiaña

Intermediazione illecita nel cantiere dei cassoni della nuova diga, otto arresti

Otto persone sono state arrestate dai carabinieri di Savona per intermediazione illecita e sfruttamento del lavoro nel cantiere per la costruzione dei cassoni della nuova diga del porto di Genova. L’inchiesta è partita dalla segnalazione di alcuni lavoratori indiani che erano stati cacciati dal lavoro e dall’alloggio perché si erano rifiutati di cedere parte del loro stipendio ai referenti delle aziende. In 42 hanno denunciato situazioni analoghe: molti hanno riferito di essere stati costretti a restituire in contanti tra il 40% e il 60% del loro stipendio, arrivando a percepire una paga oraria di 5-7 euro. Gli arrestati sono sette indiani e un pakistano, responsabili e dipendenti di due società. Altri cinque sono indagati in stato di libertà. «Sono contento dell’inchiesta, chi si comporta male deve pagarne le conseguenze», ha commentato il presidente ligure e commissario Marco Bucci.

Recuggeita differençiâ in montâ in Liguria, ancon battaggia in sciô termovalorizzatô

A recuggeita differençiâ a cresce in Liguria. Segondo i dæti da Regione, do 2025 a quöta a l’é arriva a-o 62,33%, in montâ da-o 60,82% de l’anno primma. Son 152 i Commun ch’an toccou ò passou o 65%: tra quelli con ciù de 15mia abitanti, a-o primmo pòsto gh’é Spezza con l’80,18%. Intanto va avanti a battaggia politica in sciô termovalorizzatô. Pe-o prescidente Bucci gh’é ancon a poscibilitæ de construilo à Zena, ma a scindica Salis, dòppo l’escluxon de Scarpin, a dixe che no gh’é nisciuña alternativa. Avs, à l’oppoxiçion in Region ma in maggioransa à Tursci, a conferma a poxiçion conträia. A Salis a ghe responde: «Gh’é differensa tra un partio e un scindico, mi ò da fâ fonçionâ e cöse».

Traduçion italiaña

Raccolta differenziata in aumento in Liguria, continua la battaglia sul termovalorizzatore

In Liguria cresce la raccolta differenziata. Secondo i dati della Regione, nel 2025 la quota ha raggiunto il 62,33%, in aumento rispetto al 60,82% dell’anno precedente. Sono 152 i comuni che hanno raggiunto o superato il 65%: tra quelli con più di 15mila di abitanti, al primo posto c’è La Spezia con l’80,18%. Intanto continua la battaglia politica sul termovalorizzatore. Per il presidente Bucci c’è ancora la possibilità di costruirlo a Genova, ma la sindaca Salis, dopo l’esclusione di Scarpino, afferma che non ci sono alternative. Avs, all’opposizione in Regione ma in maggioranza a Tursi, conferma la posizione contraria. Salis replica: «C’è differenza tra un partito e un sindaco, io devo far funzionare le cose».

E notiçie da l’Italia

O Trump o l’attacca torna l’Italia e a Meloni, scceuppa un caxo con l’Iran

Neuvi attacchi do prescidente american Donald Trump à l’Italia. Dòppo quella ch’a paiva unna paxe co-a Meloni a-o G7, o cappo da Casa Gianca o l’à dito inte unn’intervista à La7: «A m’à pregou che fesse unna föto con lê, a m’à fæto peña». «Deciaraçioin tutte inventæ, ghe son arrestâ», a replica da prescidente do Conseggio. Dapeu o Trump o l’é anæto avanti: «A veu tornâ amiga pe repiggiâ da popolaritæ? No, graçie. In Iran no gh’ean à defendine». Intanto l’é scciuppou un caxo in scê poule do segretäio generale da Nato Rutte: inte unn’intervista o l’à dito che 500 aeroplen di Stati Unii son partii da-e base italiañe pe-a guæra in Iran. Teheran a l’à accaxonou Romma: «Sei comprixi». Ma o governo o mette in ciæo: «Ean solo che xeui tecnichi, nisciuña iniçiativa militare».

Traduçion italiaña

Trump attacca di nuovo l’Italia e Meloni, scoppia un caso con l’Iran

Nuovi attacchi del presidente americano Donald Trump contro l’Italia. Dopo quella che sembrava una pace con Meloni al G7, il capo della Casa Bianca ha dichiarato in un’intervista a La7: «Mi ha implorato di farmi una foto con lei, mi ha fatto pena». «Dichiarazioni del tutto inventate, sono allibita», ribatte la presidente del Consiglio. Trump ha poi continuato: «Vuole tornare amica per riconquistare popolarità? No, grazie. In Iran non c’erano a difenderci». Nel frattempo è scoppiato un caso sulle parole del segretario generale della Nato Rutte: in un’intervista, ha affermato che 500 aerei statunitensi sono partiti da basi italiane per la guerra in Iran. Teheran ha accusato Roma: «Siete complici». Ma il governo chiarisce: «Si trattava solo di voli tecnici, nessuna iniziativa militare».

O l’ammassa à scciuppettæ a moggê e o figgio: «Me son liberou de loiatri»

Un òmmo de 63 anni, Piero Moriconi, o l’à ammassou à scciuppettæ a moggê, Kety Andreoni de 52 anni, e o figgio Mirko de 24. O l’é capitou à Pieve di Camaiore, in Toscaña. Dòppo l’ammassamento o l’é montou in sce un teito, ancon armou, e o l’é stæto bloccou da-i carabinê. «Me son liberou de loiatri», o l’à dito. O figgio o l’aiva scrito in scî social: «L’é brutto pensâ che pe un poæ ti seggi megio mòrto che omosessuale». À l’interrogatöio o Moriconi o l’à contou che o zoeno o l’ea violento, ch’o piggiava de dröghe, che o ô menassava e o domandava delongo di dinæ: «Emmo rattellou pe quello. Aiva da tegnîli ascoxi in cà, mæ moggê a se ne voeiva anâ e lasciâme con lê».

Traduçion italiaña

Uccide a fucilate moglie e figlio: «Mi sono liberato di loro»

Un uomo di 63 anni, Piero Moriconi, ha ucciso a fucilate la moglie, la 52enne Kety Andreoni, e il figlio Mirko, 24enne. È successo a Pieve di Camaiore, in Toscana. Dopo l’omicidio, si è arrampicato su un tetto, ancora armato, ed è stato bloccato dai carabinieri. «Mi sono liberato di loro», ha detto. Il figlio aveva scritto sui social: «È brutto pensare che per un padre sia meglio essere morti che omosessuali». Durante l’iunterrogatorio, Moriconi ha raccontato che il ragazzo era violento, faceva uso di droghe, lo minacciava e gli chiedeva continuamente soldi: «Litigavamo per questo. Dovevo tenerli nascosti in casa, mia moglie voleva andarsene e lasciarmi con lui».

Ferrovie, o Donnarumma o l’à dæto e dimiscioin. Condanna definitiva pe-o Moretti

L’amministratô delegou de Ferrovie, o Stefano Donnarumma, o l’à dæto e dimiscioin dòppo un incontro co-o ministro di Traspòrti Matteo Salvini ch’o l’ea za inversou pe-i asciddi e i retardi di urtimi tempi. O nomme ciù avvoxou pe piggiâ o seu pòsto o l’é quello do Gianpiero Strisciuglio, l’amministratô delegou de Trenitalia, che però o l’é indagou pe l’açidente ferroviäio de Brandiss, donde l’é mòrto 5 operäi. Intanto a Cassaçion a l’à confermou e condanne pe-a strage de Viareggio do 2009: çinque anni pe-o passou amministratô delegou de Ferrovie Mauro Moretti, ch’o l’anià in prexon, e pe-i atri dexe imputæ.

Traduçion italiaña

Ferrovie, Donnarumma si è dimesso. Condanna definitiva per Moretti

L’amministratore delle Ferrovie, Stefano Donnarumma, si è dimesso dopo un incontro con il ministro dei Trasporti Matteo Salvini, già irritato dai disservizi e ritardi degli ultimi tempi. Il nome più noto per sostituirlo è quello di Gianpiero Strisciuglio, amministratore delegato Trenitalia, che però è indagato per l’incidente ferroviario di Brandizzo, in cui persero la vita 5 operai. Nel frattempo, la Cassazione ha confermato le condanne per la strage di Viareggio del 2009: cinque anni per l’ex vicedirettore generale delle Ferrovie, Mauro Moretti, che andrà in carcere, e per gli altri dieci imputati.

E notiçie da-o mondo

Tæramòtto in Venezuela, doî scrolloin devastanti: squæxi mille mòrti e çittæ destrute

Squæxi mille mòrti in Venezuela pe doî scrolloin de tæramòtto de 7,1 e 7,5 graddi Richter ch’an devastou o Paise. Miggiæa de construçioin son deruæ, a-o manco 50mia persoñe son desperse. A zöna ciù corpia a l’é La Guaira, in sciô mâ, donde se scava into zetto in çerchia de gente scampæ, à moen nue e co-i uspiæ che no tëgnan ciù. Pe aggiuttâ a popolaçion l’é partio unna mobilitaçion globale inandiâ da-e Naçion Unie, con mille soccorritoî da 17 Paixi za a-o travaggio. O Vatican o l’à mandou 100mia euro, i Stati Unii an sospeiso pe-o momento e sançioin econòmiche pe no mette di sappelli a-e miscioin umanitäie.

Traduçion italiaña

Terremoto in Venezuela, due scosse devastanti: quasi mille morti e città distrutte

Quasi mille morti in Venezuela per due scosse di terremoto di magnitudo 7,1 e 7,5 che hanno devastato il Paese. Migliaia di edifici sono crollati, almeno 50mila persone sono disperse. La zona più colpita è La Guaira, sul mare, dove si scava tra le macerie a mani nude alla ricerca di sopravvissuti, mentre gli ospedali sono al collasso. Per aiutare la popolazione è partita una mobilitazione globale lanciata dalle Nazioni Unite, con mille soccorritori provenienti da 17 Paesi già al lavoro. Il Vaticano ha inviato 100mila di euro, gli Stati Uniti hanno sospeso momentaneamente le sanzioni economiche per non ostacolare le missioni umanitarie.

Accòrdio Isræle-Libano pe-a fin da guæra, torna tenscion into steito de Hormuz

Isræle e Libano an trovou l’accòrdio pe-a fin da guæra. O papê o l’é stæto firmou à Washington. «O l’é un corpo duo pe l’Iran», o l’à dito o primmo ministro Benjamin Netanyahu. Ma intanto a tenscion a l’é montâ torna into streito de Hormuz dòppo di attacchi iranien con di droin contra de nave da carrego. O Trump o l’à scrito in sce Truth: «Teheran o l’à rotto o fermæ o feugo». I Stati Unii an respòsto con bombezzâ di depòxiti de miscili e droin. Inti giorni avanti l’Iran o l’aiva serrou torna a navegaçion apreuvo a-i attacchi de l’exerçito isrælian.

Traduçion italiaña

Accordo Israele-Libano per la fine della guerra, ancora tensione nello stretto di Hormuz

Israele e Libano hanno raggiunto un accordo per porre fine alla guerra. Il documento è stato firmato a Washington. «È un duro colpo per l’Iran», ha dichiarato il primo ministro Benjamin Netanyahu. Ma nel frattempo la tensione è nuovamente aumentata nello stretto di Hormuz dopo gli attacchi di droni iraniani contro navi mercantili. Trump ha scritto su Truth: «Teheran ha violato il cessate il fuoco». Gli Stati Uniti hanno risposto bombardando depositi di missili e droni. Nei giorni precedenti l’Iran aveva nuovamente bloccato la navigazione in seguito agli attacchi dell’esercito israeliano.

Cado stramesuou in Euröpa, temperatue à 40 graddi e passa çentanæa de mòrti

Allarme pe-o cado inte tutta l’Euröpa de Ponente, con temperatue de 40 graddi e passa e o conto di mòrti ch’o monta delongo. In Spagna ciù de 200 persoñe an perso a vitta. In Fransa 55 vittime, tra i quæ tanti negæ into çercâ de recoviâse inte l’ægua e trei figgeu lasciæ in machina into Mezogiorno do Paise. E scheue son arrestæ serræ e i uspiæ son pin de paçienti. In Gran Bretagna 37 graddi à zugno, mai coscì cado inta stöia. In Italia bollin rosso do ministëio da Sanitæ pe tutte e gren çittæ e gh’é za de recheite in sce l’agricoltua.

Traduçion italiaña

Caldo estremo in Europa, temperature di oltre 40 gradi e centinaia di morti

Allarme caldo in tutta l’Europa occidentale, con temperature superiori ai 40 gradi e un numero di morti in costante aumento. In Spagna più di 200 persone hanno perso la vita. In Francia 55 vittime, tra cui molti annegati nel tentativo di salvarsi in acqua e tre bambini lasciati in auto nel Sud del Paese. Le scuole sono rimaste chiuse e gli ospedali sono al collasso. In Gran Bretagna 37 gradi a giugno, mai così caldo nella storia. In Italia bollino rosso del ministero della Salute per tutte le grandi città e si registrano già ricadute per l’agricoltura.